"Azəriqaz" QSC əhaliyə tədarük olunan qaza görə yığımın həcmini ilin sonunadək maksimum səviyyəyə çatdırmaq niyyətindədir. Trend in xəbər verdiyi kimi, bu barədə "Azəriqaz" QSC-nin rəhbəri Əlixan Məlikov məlumat verib.
Onun sözlərinə görə, bu ilin yanvar ayında qaz ödənişlərinin səviyyəsi 16% təşkil edib. Hazırda bu göstərici 40%-dək artıb. Buna qazdan istifadə haqqını ödəməyənlərə qazın verilməsinin dayandırılması nəticəsində nail olunub.
Ə.Məlikov qeyd edib ki, bu proses gələcəkdə də, ödənişlə bağlı problemlər tam həll olunanadək davam etdiriləcək. Bu, qazın verilməsinin dayandırılmasına da aiddir.
