"Heydər Əliyev adına" Bakı NEZ-də katalitik reforminq qurğusunun quraşdırılması təmir işləri ilə bağlı dayandırılıb. Bu barədə Trend ə ARDNŞ-dən xəbər veriblər. Təmir işləri iyulun 21-də başa çatacaq. Bu qurğunun emal gücü 1 mln ton təşkil edir. Mütəxəssislərin bildirdiyinə görə, təmir işləri zamanı ölkədə yanacaq çatışmazlığı olmayacaq.
Qurğudakı işlər Gürcüstana ixrac olunan avtomobil benzinin xeyli azalmasına gətirib çıxarıb. Daxili bazar üçün nəzərdə tutulan benzinin həcmi isə əvvəlki səviyyədə qalıb.
ARDNŞ-dən qeyd ediblər ki, reforminq qurğusunun dayandırılması Gürcüstanda yanacağın qiymətlərinə təsir göstərə bilər.