Payıza qədər Azərbaycan Dövlət Neft Şirkəti (ARDNŞ) Britaniyanın Eurasia Energy şirkətilə PSA tipli müqavilənin kommersiya şərtlərinin müzakirəsinə başlamaq niyyətindədir. Bu barədə Trend ə ARDNŞ-dən xəbər verilib.
ARDNŞ bu şirkətin dəniz bloku üzrə geoloji-geofiziki materialları artıq təqdim edib. Hazırda Eurasia Energy layihənin iqtisadi tərkibinin qiymətləndirilməsini aparır.
Dəniz "Blok"una "Ələt-Dəniz", "Hamamdağ-Dəniz", "Qarasu", "Sangi-Muğan", "Ülfət", "Aran-Dəniz", "Daşlı" və "Sabail" yataqları daxildir.
Əvvəllər ARDNŞ ilə Eurasia Energy Limited arasında memorandum imzalanıb və şirkətə həmin blok üzrə danıhşıqlar aparmaq üçün eksklüziv səlayhiyyətlər verilib.
Eurasia Energy Limited şirkəti TRACS International Consultancy Ltd-ni bu layihə çərçivəsində neft mühəndisliyi üzrə məsləhətçi qismində cəlb edib.
"Blok"da suyun dərinliyi əsasən 20 metr təşkil edir və strukturun sonunda 50 metr səviyyəsinə çatır. "Ələt-Dəniz" 1983-cü ildə açılıb və indiyə qədər buradan 12,5 mln. barel neft və 1 mlrd. m3 qaz çıxarılıb. "Ələt-Dəniz"də qalan ehtiyatların həcmi 14 mln. barel neft və 1 mlrd. m3 qaz təşkil edir. Əsas məhsuldar laylar 3700-4500 metr dərinliyindədir.