Azərbaycan neftinin çatdırılması haqqında uzunmüddətli müqavilələrin imzalanması ARDNŞ tərəfindən elan olunmuş tenderlərdə hansı şirkətlərin özünü fəal göstərməsindən asılı olacaq. ARDNŞ-dən Trend ə verilən məlumata əsasən, Azərbaycan neftinə görə çox pul təklif edən şirkətlərin uzunmüddətli müqavilələr imzalaması üçün daha çox şansı var.
"Neft daşınması üçün ARDNŞ-nin öz treyderenin yaradılması məsələsi hələ müzakirə edilir. ARDNŞ tərəfindən hasil olunan, Azərbaycan Dövlət Neft Fondu və ya AzACG-ya məxsus neftin uzunmüddətli müqavilələr əsasında satılması üçün onun həcminin böyük olması lazımdır. Ayda bir və ya iki gəmi göndərməklə uzunmüddətli müqavilələrə ümid etmək çətindir" - deyə ARDNŞ-dən bildiriblər.
Gələcəkdə Azərbaycan qəbul olunmuş dunya normalarına uyğunlaşacaq. "Hazırda ARDNŞ neftini optimal qaydada satır. Təbii ki, bu neft tenderə qoyulur və prioritetlərdən asılı olmayaraq ən yüksək qiymət təklif etmiş şirkət tərəfindən alınır" - deyə ARDNŞ-dən bildiriblər.
