...

Azərbaycan hələ "Azəri"-"Çiraq"-"Günəşli" yataqlarından dərin qazın işlənilməsinə dair qərar qəbul etməyib

Energetika Materials 30 Avqust 2006 16:39

Trend-i buradan izləyin

Azərbaycan Dövlət Neft Şirkəti "Azəri"-"Çiraq"-"Günəşli" yataqlarında "fasilə lay dəstəsi"ndən aşağıda yerləşən dərin təbii qazın işlənilməsinə başlamaq barədə qərar qəbul etməyib. Bu barədə Trend ə ARDNŞ-dən xəbər verilib.

"PSA tipli müqaviləyə əsasən, qaz blokunun işlənilməsinə dair qərarı ARDNŞ qəbul edir. Dövlət Neft Şirkəti isə hələ belə qərar qəbul etməyib", - deyə şirkətdə qeyd ediblər.

Bununla yanaşı ARDNŞ-də bildiriblər ki, bu qərarın qəbul ediləcəyi təqdirdə qazın müştərək işlənilməsi şərtləri əvvəlki müqavilələrdəkindən fərqli olacaq. Bunu ARDNŞ-də ölkənin maliyyə, kredit və reytinq vəziyyətinin dəyişməsi ilə izah edirlər. "Şərtlər digər layihələrdəkindən daha sərt olacaq", - deyə ARDNŞ-də söyləyiblər.

"AÇG" üzrə tərəfdaşlar BP (operator - 34,1%), Unocal (10,2%), ARDNŞ (10%), INPEX (10%), Statoil (8,6%), ExxonMobil (8%), TPAO (6.8%), Devon (5,6%), ITOCHU (3,9%), Amerada Hess (2,7%) şirkətləridir.

1994-cü ildə "AÇG" üzrə tərəfdaşlarla imzalanmış müqavilə bu yataqların yalnız neft yataqlarının işlənilməsinə şamil edilir. Sərbəst qaz və kondensat ehtiyatı digər müqavilələrin müzakirə predmetidir. Hazırda "Azəri-Çiraq-Cünəşli"də yalnız "fasilə lay dəstəsi" işlənilir. Kirmankin və Kalin lay dəstələri kimi altda yatan horizontlar isə qazlı laylardır. Və əgər kəşfiyyat qazma işləri zamanı sərbəst qaz yataqları aşkar olunarsa, onlar üzrə ayrı PSA müqavilələri bağlanacaq. İlkin qiymətləndirməyə görə, qaz ehtiyatı bir neçə yüz milyard kubmetr təşkil edəcək.

Xəbər lenti

Xəbər lenti