Yanvar-avqust aylarında Rusiyanın "Qazeksport" şirkəti ("Qazprom" ASC-nin törəmə strukturu) Azərbaycana 2 mlrd 985,5 mln kub metr qaz tədarük edib. Trend in xəbər verdiyi kimi, bu barədə ARDNŞ-dən məlumat verilib. Sutkada orta hesabla 12,4 mln kub metr qaz tədarük olunub. Ötən ilin 8 ayı ərzində şirkət Azərbaycana 3 mlrd 292 mln kub metr qaz tədarük edib.
2006-cı ilin avqustunda tədarükün həcmi 315,2 mln kub metr təşkil edib. Ötən ilin avqustunda Azərbaycana 342 mln kub metr qaz tədarük olunub.
Cari ildə ARDNŞ "Qazeksport"dan 1 min kub metri 110 ABŞ dollarından 4,5 mlrd kub metr qaz almağı planlaşdırır. Ölkəyə təbii qaz Şirvanovka - Qazı-Məmməd boru kəməri ilə verilir.
