Azərbaycan Dövlət Neft Şirkətinin və "Kürsəngi-Qarabağlı" onşor yatağında işləyən "Salyan Oil" əməliyyat şirkətinin nümayəndələri sentyabrın 14-də texniki komitənin iclasını keçirəcəklər. Şirkətdən Trend ə xəbər verildiyi kimi, bu görüşdə gələn il üçün iş planının müzakirəsi nəzərdə tutulub.
2006-cı ildə müqavilə sahəsində 8 quyunun qazılması gözlənilir. Dörd quyunun istismar quyusu kimi, ikisinin suyun laya vurulması üçün, birinin kəşfiyyat quyusu, o birisinin isə qiymətləndirici quyu kimi qazılması planlaşdırılıb. Gözlənilən sərmayənin həcmi 50 mln. dollara yaxındır. Qazma işləri Çinin "Great Wall" qazma podradçı şirkəti tərəfindən həyata keçiriləcək.
