Azərbaycan Dövlət Neft Şirkəti Gürcüstanda iştirakını genişləndirmək niyyətindədir. Trend in xəbər verdiyi kimi, bu barədə ARDNŞ prezidenti Rövnəq Abdullayev məlumat verib.
Hazırda Gürcüstan ərazisində YDS-in əldə olunması və neft məhsullarının satışı layihəsi üzərində iş aparılır.
"Gürcüstan bizim qonşumuz və strateji tərəfdaşımızdır. Bizim çoxlu layihələrimiz var və bunlar ilin sonunadək rəsmiləşdiriləcək. Biz bunun üzərində işləyirik", - deyə şirkət prezidenti qeyd edib.
ARDNŞ artıq Socar Energy Georgia şirkətini yaradıb.
Hazırda ARDNŞ respublikadan kənarda yerləşən yataqlarda geofiziki işlərin həyata keçirilməsi ilə bağlı layihələr üzərində işləyir. Xüsusilə Qazaxıstan, Afrika və İraqda işlərin aparılması imkanları nəzərdən keçirilir.