Noyabrın 13-də "Şahdəniz" qaz-kondensat yatağının işlənməsi layihəsində Azərbaycan Dövlət Neft Şirkətinin payının maliyyələşdirilməsi hüququnun Avropa Yenidənqurma və İnkişaf Bankından alınması üçün 175 mln. ABŞ dolları məbləğində xarici bankların sindikatlaşdırılmış krediti üzrə saziş imzalanacaq. Trend xəbər verir ki, bu barədə bu gün ARDNŞ Xarici investisiyalar idarəsinin (Qİİ) rəhbəri Vaqif Əliyev məlumat verib.
175 mln. ABŞ dolları məbləğində kredit Fransanın Societe Generale və ABN Amro şirkəti tərəfindən sindikatlaşdırılıb. Kredit Libor+0,85% illik faiz dərəcəsi ilə cəlb olunub. AYİB və kommersiya banklarının krediti arasında faiz dərəcələrinin fərqindən müsbət saldo 3,65 % təşkil edir.