Devon Energy Amerika şirkəti Azərbaycanın "Azəri Çıraq- Günəşli" yatağında irimiqyaslı işləmə layihəsində iştirak payının hesabına 2007-ci ildə şirkətin neft istehsalını 230-232 mln. barrel neft ekvivalentinə qədər artırmağı planlaşdırır. Bu barədə Trend Devon Energy-nin press relizinə istinadən xəbər verir.
2006 -cı ildə şirkət 216 mln. barrel neft ekvivalenti istehsal həcmi gözləyir. Sənəddə qeyd olunur ki, 2008-ci ildə şirkətin ümumi hasilatı 251-258 mln barrel neft ekvivalenti təşkil edəcək. Devon Energy-nin dəyəri 56,27 mlrd dollardır.
Azərbaycanın ən iri neft layihəsi olan "Azəri-Çıraq-Günəşli"də iştirak edən şirkət 5,6% -ə sahibdir. Bu yataqdan "Azəri-Çıraq-Günəşli"-nin başqa bir iştirakçısı - Amerikanın ExxonMobil şirkəti Gürcüstanın Qara dəniz limanı Batumiyə neft ixrac edir. Hər iki şirkət əvvəldən Bakı-Tiflis-Ceyhan layihəsində iştirak etməmək qərarına gəliblər. Bununla əlaqədar olaraq Exxon Mobil və Devon öz neftini gürcü limanına özləri müstəqil şəkildə ixrac edirlər.