Azərbaycan Dövlət Neft Şirkətinin Marketinq və iqtisadi əməliyyatlar idarəsi ISO 9001:2000 beynəlxalq sertifikatlarına əsasən İdarənin adaptasiya prosesinin tamamlanması çərçivəsində beynəlxalq sertifikatın alınması üçün sertifikatlaşdırma xidmətlərinin göstərilməsi üçün kotirovka sorğusunu keçirib. Trend xəbər verir ki, bu barədə idarədən məlumat verilib.
Bu il noyabr ayının sonunda kotirovkalar üzrə təkliflər açılıb. Sorğunun qalibi "SGS AZERI LTD" şirkəti olub.
Müsabiqənin yekunlarına əsasən "SGS AZERI LTD" şirkəti ilə sertifikatlaşdırma xidmətlərinin göstərilməsi üçün sazişin bağlanması nəzərdə tutulur.
