...

Türkiyədə Azərbaycan Dövlət Neft Şirkətinin neft-kimya kompleksinin inkişafı üçün investisiya həcmi müəyyənləşdirilib

Energetika Materials 22 Yanvar 2007 13:53 (UTC +04:00)

SOCAR-Turcas Energy birgə müəssisəsinin fəaliyyəti üçün nəzərdə tutulan investisiya həcmi 5 mlrd. ABŞ dolları səviyyəsində müəyyənləşdirilib. Trend xəbər verir ki, bu barədə Azərbaycan Dövlət Neft Şirkətinin (ARDNŞ) prezidenti Rövnəq Abdullayev AzTV telekanalına verdiyi müsahibəsində bildirib.

Onun sözlərinə görə, ARDNŞ Türkiyə bazarında neft məhsulları və qaz satışını həyata keçirmək niyyətindədir.

"Azərbaycan, Bakı-Tbilisi-Ceyhan boru ixrac kəməri ilə Türkiyəyə daxil olan neft həcminin bir hissəsinin sahibi kimi, onu emala göndərə və gələcəkdə Türkiyə bazarında neft məhsullarının satışını həyata keçirə bilər. Eyni zamanda ARDNŞ neft məhsullarının bir hissəsinin digər ölkələrə də ixrac oluna biləcəyini istisna etmir", - deyə o bildirib.

Dekabr ayının əvvəlində Azərbaycan Dövlət neft şirkətinin prezidenti Rövnəq Abdullayev və Türkiyənin Turcas neft şirkətinin idarə heyətinin sədri Ərdal Aksoy birgə şirkətin yaradılması haqqında protokol imzalayıblar.

ARDNŞ "Şahdəniz" yatağında hasil edilmiş qazın dünya bazarlarına tədarük edilməsi üçün geniş əməkdaşlıq planı hazırlayıb. Nəzərdə tutulmuş layihələrin ilkin qiyməti 1 milyrd dollar təşkil edəcək, əsas məqsəd 4 il ərzində Ceyhanda 20 milyon ton illik istehsalı olan böyük neft emalı zavodunun işə salınmasıdır. İlkin investisiyaların 51 faizi Azərbaycana, 49 faizi Türkiyəyə məxsus olacaq.

Hazırda layihənin ilkin hazırlıqları gedir. Gələcəkdə bu kompleksdə həmçinin kimyəvi məhsulların istehsalı da nəzərdə tutulub.

Xəbər lenti

Xəbər lenti