Trend xəbər verir ki, ARDNŞ öz qazının Gürcüstana tədarükünün yanvar qrafikini yerinə yetirib. Tədarük yanvarın11-dən başlayıb. Bu dövr ərzində Gürcüstana 30 mln. kubmetr qaz ötürülüb. Gürcüstana növbəti qaz tədarükü fevralın 10-dan başlayacaq.
Razılaşmaya əsasən, ARDNŞ Gürcüstana hər ayın 10-dan 20-nə qədər 10 gün ərzində gündə 3 mln. kub metr həcmdə qaz tədarük edəcək. Tədarük 3 ay davam etdiriləcək.
Gürcüstan üçün qazın 1 min kub metri 120 dollara satılır.
Bundan başqa, Azərbaycan bu il Gürcüstana "Şahdəniz" qaz kondensatı yatağından da qaz tədarük edəcək. Gürcüstana bu il 1000 kub metr qaz 63 dollara tədarük ediləcək, ümumi tədarük həcmi 250 mln. kub metr təşkil edəcək. Əlavə qaz həcmi və dəyəri yeni danışıqların predmetini təşkil edir.
