Əhali üçün qaz tariflərinin artırılması məsələsi gündəmdə durmur. Trend xəbər verir ki, bu barədə bu gün "Azəriqaz"ın sədri Əlixan Məlikov bildirib.
Ə.Məlikov bildirib: "Hazırda biz əhaliyə verilmiş qaza görə ödəmələrin yığılması və bu göstəricinin 100 faizə çatdırılması ilə məşğuluq".
Onun sözlərinə görə, 2007-ci ilin yanvar ayının nəticələrinə əsasən, bu göstərici 40% təşkil edib. Lakin keçən ilin analoji dövründə bu göstərici 16% olub. Növbəti aylar bu göstəricinin artırılması nəzərdə tutulur.
Martın 20-nə qədər SC abunəçiləri nəzarət-ölçü cihazları ilə tam şəkildə təmin etmək niyyətindədir. Hazırda sayğaclar abunəçilərin 89%-i üçün quraşdırılıb.