2006-cı ildə Azərbaycan quru və dəniz yataqlarında əməliyyatların aparılması üçün 196,4 min ton müxtəlif metal borular idxal edib ki, bu da 2005-ci il göstəricisindən 39,4% çoxdur. Dövlət Statistika Komitəsindən Trend ə bildiriblər ki, qeyd olunan dövr ərzində idxal edilən boruların dəyəri 264 mln. dollar təşkil edib ki, bu da 2005-ci ilin analoji dövrü ilə müqayisədə 59,3% çoxdur.
Azərbaycanda neft-qaz əməliyyatları ilə ARDNŞ, PSA tipli kontraktlar üzrə xarici şirkətlər və ARDNŞ-ın xarici kapitallı birgə müəssisələri məşğul olur.
Dövlət Statistika Komitəsindən bildiriblər ki, 2006-cı ildə neft-qaz kəmərləri üçün 65,510 min ton boru idxal edilib ki, 20005-ci ilin analoji dövrü ilə müqayisədə bu göstərici 9,4% çoxdur. Həmin dövr ərzində neft-qaz kəmərləri üçün idxal edilən boruların ümumi dəyəri117,1 mln. dollar təşkil edib ki, 2005-ci illə müqayisədə bu göstərici 73,4% çoxdur.
Dövlət Komitəsindən həmçinin bildiriblər ki, 2006-cı ildə 27,61 min ton qazma boruları alınıb ki, bu göstərici 2005-ci illə müqayisədə 25,1% faiz azdır. İdxal edilən bu məhsulun ümumi dəyəri 46,4 mln. dollar təşkil edib ki, 2005-ci il göstəricisi ilə müqayisədə 19,7% azdır.
