Azərbaycan, Bakı / Trend müxbir S.Əliyev/ Hazırda "Azəri"-"Çıraq"-"Günəşli" yataqlarında orta sutkalıq neft hasilatı 650-700 min barel yüngül neft təşkil edir. Bu barədə cümə axşamı BP Azerbaijan şirkətindən (layihənin operatoru) bildirilib.
Neftin hasilatı "Azəri"-nin mərkəzi, qərb və şərq platformalarından və "Çıraq" platformasından aparılır.
BP şirkətinin və Bakı-Tiflis-Ceyhan kəməri üzrə tərəfdaşların nefti bu kəmər vasitəsilə göndərilir.
Şirkətdən verilən məlumata görə, kəmərin götürmə gücü layihədə nəzərdə tutulduğu kimi sutkalıq 1 mln. barelə çatdırılıb. Bu kəmərlə sutkalıq maksimum göndəriş 820 min barel neft olub.
