Azərbaycan, Bakı /müx. Trend İ.Xəlilova/ "Azəri-Çıraq-Günəşli" yatağının işlənilməsi ilə məşğul olan Azərbaycan Beynəlxalq Əməliyyat Şirkətinin (AMOK) birinci rübdə dövlət büdcəsinə gəlir vergisi üzrə ödəmələri 499 mln. manat təşkil edib. Bu barədə Nazirlər Kabinetindən məlumat veriblər.
"Bu, gözlədiymizdən də çoxdur. Səbəb dünyada neft qiymətlərinin artmasıdır" - deyə Nazirlər Kabinetindən bildiriblər.
2006-cı ildə AMOK-dan büdcəyə 1216,9 mln. manat daxil olub. Ən çox ödəmələr üçüncü rübdə qeydə alınıb (bir barelə 70 dollar). Müvafiq zaman kəsiyində ödəmələr 400 mln. manatı keçib. Dövrdüncü rübdə isə dövlət büdcəsinə 245 mln. manat köçürülüb.
"Azəri-Çıraq-Günəşli" yatağında yüngül neft hasil olunur. Azeri Light-ın APİ üzrə sıxlığı 34,8 dərəcə təşkil edir, kükürdün mövcudluğu isə 0,15%-ə bərabərdir .
