Azərbaycan, Bakı / Trend /"Cisco" şirkəti neft və qaz sənayesi sahəsində fəaliyyət göstərən müəssisələrdə mobil rabitənin istifadəsi üçün "Cisco First Mile Wireless solution" ("birinci mil" üçün "Cisco"nün simsiz həlli) adlanan texnologiya həlli hazırlayıb. Şirkətdən verilən məlumata görə, sözügedən həll neft və qaz sənayesi sahəsinin inkişaf etdiyi ölkələrdə, o cümlədən Azrəbaycanda uğurla tətbiq edilə bilər. "Cisco" şirkəti neft və qaz sənayesində istifadəsi son dərəcə rahat olan bu texnologiyanı Azərbaycanda müxtəlif səviyyələrdə təklif edir. Ən son texnologiyaların, xidmətlərin, təhlükəsizlik qaydalarının və idarəedici proqramların sözügedən həllin çərçivəsində inteqrasiyası uzaq bölgələrdə və dənizdə fəaliyyət göstərən işçilərə korporativ məlumatların göndərilməsi üçün əla imkan yaradır. "Cisco" bu texnologiyanın təqdimatını iyunun 6-da Bakıda keçirilən "Neft, qaz, neft hasilatı və neft kimyası" XIV Beynəlxalq Konfransda keçirəcək. "Cisco" şirkəti həmçinin XIV "Neft, qaz, neft hasilatı və neft kimyası" adlı Beynəlxalq sərginin sponsorlarından biridir.
Yeni simsiz "Cisco" həlli neft-qaz şirkətlərinə məhsuldarlığın artırılmasına, yerlərdə qərar qəbuledici proseslərin təkmilləşdirilməsinə və cari xərclərin azaldılmasına yardım edir və bununla da neft buruqlarını əla idarə edilə bilən vahid korporativ mexanizmin detallarına çevirir. "Petrobel" neft şirkətinin rəhbərlərindən biri olan Massimo İnsullanın sözlərinə görə, "Cisco First Mile Wireless solution" həlləri insanları əvəz etmir və onların əhəmiyyətini heç bir şəkildə azaltmır. Bu həll yerinə yetiriləcək vəzifələri işçilər arasında daha dəqiq bölüşdürməyə imkan yaradır. Axı, dörd göz bir gözdən, səkkizi isə dördündən daha yaxşıdır. Sözügedən texnologiya kəşfiyyatçılara və neftçıxarma briqadalarına daha da ölçülüb-biçilmiş və əsaslandırlmış qərar qəbul etməyə imkan verir.
Ənənəvi korporativ binalar kompleksindən (kampus) fərqli olaraq, neft yataqlarında qurulmuş simsiz rabitə bir sıra çətinliklərlə uzləşir ki, bunlar da ekstremal iqlim şəraiti, infrasturkturun olmaması, informasiya və texnoloji resursların catışmazlığı və radiotezlik spektrində maneələr yaradan izolyasiya edilməmiş dəmir qurğuların mövcudluğu səbəblərilə dəfələrlə mürəkkəbləşir.
Neft buruqlarında və okeanik platformlarda quraşdırılan "Cisco First Mile Wireless solution" həlli ölçü cihazlarının, mobil qurğularının, fiziki təhlükəsizlik sistemlərinin, xidməti avtomobillərin və radiotezlik nişanlarının simsiz şəbəkəyə qoşulması, həmçinin mobil xidmətlərinin (İP simsiz kanal üzərindən səsin ötürülməsi, video, qonaq müraciəti və s.) inteqrasiya edilməsi üçün imkan yaradır.
"Cisco First Mile Wireless solution" standart həlli partlayışlara qarşı xüsusi hazırlanmış korpuslarda yerləşən Cisco 1500 simsiz giriş nöqtələrini, "Cisco WCS" simsiz şəbəkələr üçün idarə sistemlərini və "Cisco Secure Services" təhlükəsizlik xidmətlərini əhatə edir. "Wi-Fi bridging", "WiMAX" və peyk rabitəsi kimi, əvvəlcədən yoxlanılmış və qəbul edilmiş "backhaul" texnologiyaların uyğunlaşması, həmçinin istismar texnologiyaları və proqramlar neft buruğunu, çətinliklə gedilə bilən resurslardan uzaq korporativ resurslara və tədqiqat sistemlərinə qoşulmuş əsl informasiya oazisinə çevirir.
"Cisco Lifecycle Services" xidmətləri "ilk mil" üçün nəzərdə tutulmuş simsiz həllərin yayılmasında böyük rol oynayır. Öz tərəfdaşları (Wireless LAN Specialized Partners) ilə birlikdə, "CISCO" müştərilərə "Cisco First Mile Wireless solution" həllinin məhsuldarlığının yoxlanılmış planlaşdırma, layihələndirmə, tətbiq, istismar və təkmilləşdirilməsi metodologiyalarına, həmçinin qorunan və miqyaslanan simsiz infrastrukturlara əsaslanan kompleks xidmətlərini təklif edir.
"CISCO"nun mobil həlləri şöbəsinin direktoru Ben Gibson isə bildirib ki: "Mobillik şirkətlərə ölçülüb-biçilmiş və əsaslandırılmış işguzar qərarları qəbul etməyə imkan verir. Məlumatlar izolyasiyada saxlanıldığı zaman köhnəlir, heç bir fayda gətirmir və öz dəyərini itirir. Məlumat müəssisədə asan yayıldığı halda, əmək proseslərinin təkmilləşdirilməsi yolunda yeni ideyaların, üsulların və vasitələrin katalizatoru olur. "Cisco First Mile Solution" həlli müəssisəyə yeni məhsuldarlıq səviyyəsinə çıxmağa və ən mürəkkəb sahələrdən olan, neft-qaz sənayesindəki problemləri uğurla həll etməyə yardım edir".
