Azərbaycan, Bakı /müx. Trend S.Əliev/İlin sonuna qədər NABUCCO qaz kəməri layihəsinin reallaşması məqsədilə sərmayələrin cəlb olunması məsələsi həll olunacaq. Layihənin iştirakçısı olan OMV Avstriya şirkətinin icraçı direktoru Reinhard Mitçek Bakıda keçirilən 14-cü Xəzər neft-qaz konfransında çıxışı zamanı bildirib ki, bundan sonra tikintini başlamaq planlaşdırılır. 14 min km uzunluğu olan "Nabucco" qaz kəməri Mərkəzi Asiya və Xəzərdən çıxarılan neftin Azərbaycan, Gürcüstan, Türkiyə, Bolqarıstan, Macarıstan, Rumıniya və Avstriya vasitəsilə Avropaya çatdırılmasını təmin edəcək. Kəmərin istismarına 2011-ci ildə başlamaq planlaşdırılır. "NABUCCO" kəmərinin çəkilməsilə OMV, Macarıstanın MOL, Türkiyənin "Botas", Bolqarıstanın "Bulgargaz", Rumıniyanın "Transgaz" şirkətləri məşğul olur. Layihənn dəyəri 2 mlrd. avro dəyərində qiymətləndirilir. Mitçekin sözlərinə görə, kəmər vasitəsilə Azərbaycan, Türkmənistan, Qazaxıstan, İraq, İran və Misir qazı daşınacaq. "Əgər Qara dənizdə qaz ehtiyatları aşkar olunarsa onda bu qaz da çəkiləcək kəmər vasitəsilə nəql olunacaq" - deyə o bildirib. Bu arada Mitçelin qeyd etdiyi kimi, Rusiya Avropa qaz bazarlarında mövqeyini qoruyub saxlayır. "NABUCCO" vasitəsilə nəql Avropaya qaz nəqlini diversifikasiya etməyə və qüsuru ört-basdır etməyə imkan verəcək. Hazırda layihə tranzit ölkələr, qaz istehsalçıları və mümkün kreditorlar ilə müzakirə olunur.
...