Azərbaycan, Bakı/müx. Trend S.Əliyev/ "Azəriqaz" Qapalı Səhmdar Cəmiyyətinin rəhbəri Əlixan Məlikov "Respublika" qəzetinə verdiyi musahibədə bildirib ki, bu ilin sonuna qədər "Bakı kəndlərinin 2006-2007-ci illər üçün sosial-iqtisadi inkişafının surətləndirilməsi ilə bağlı Dövlət Proqramı" çərçivəsində "Azəriqaz" qaz təminatı ilə bağlı layihələrin reallaşmasını başa çatdıracaq.
Keçən ilin avqust ayından "Bakqaz" ("Azəriqaz"ın struktur vahidi) bu proqram çərçivəsində işə başlayıb. Layihəni 119 qaz təsərrüfatı üzrə reallaşdırmaq nəzərdə tutulur.
Layihələrdən 48-i dövlət büdcəsi hesabına, 71-i isə "Azəriqaz" QSC-nin hesabına maliyyələşdiriləcək. Bu məqsədlər üçün 27 mln. AZN tələb olunur. Vəsaitlərin 20 mln. manatı dövlət büdcəsindən , 7mln. manatı isə "Azəriqaz"ın öz hesabından ayrılacaq.
