Azərbaycan, Bakı / Trend müxbir S.Əlyiev/ Bazar ertəsi Sənaye və Energetika Nazirliyindən verilən məlumata görə, Azərbyacan qazının Türkiyə ərazisi vasitəsilə Avropaya daşınmasına dair müqavilənin işlənib hazırlanması Azərbaycanın sənaye və energetika naziri Natiq Əliyev və nazirliyin aparat rəhbəri Rasim Məmmədovun Türkiyəyə səfəri çərçivəsində aparılacaq müzakilərin mövzusu olacaq.
Səfər avqustun 7-də başlayacaq və avqustun 10-a qədər davam edəcək. Nazir və aparat rəhbəri Azərbaycan prezidenti İlham Əliyevin tapşırığı ilə danışıqlar aparacaq. Danışıqlar zamanı həmçinin Türkiyə ərazisi vasitəsilə qaz nəqlinə dair digər hüquqi sənədlər də müzakirə olunacaq.