Azərbaycan, Bakı/ Trend , müxbir S.Əliyev/ Azərbaycan öz qazının Avropaya, xüsusilə də Türkiyəyə müstəqil satıcısı olmaq niyyətindədir. Bunu bazar ertəsi Azərbaycanın sənaye və energetika naziri Natiq Əliyev bildirib.
Bu gün Azərbaycan Türkiyəyə qaz satır, amma qazı Türkiyə-Gürcüstan sərhədində təhvil verir. Əliyev bildirib ki, respublika qazı Türkiyə bazarında və onun xaricində özü satmaq niyyətindədir. O qeyd edib ki, Azərbaycan Türkiyə infrastrukturundan istifadə edən digər ölkə və şirkətlərə tətbiq olunan şərtlərə malik olmaq istəyir. Hazırda bu məsələ üzrə danışıqlar aparılır.
"Biz bilmək istəyirik ki, biz qazımızı Türkiyədə hansı şərtlərlə sata bilərik" - deyə nazir söyləyib.
Azərbaycan həmçinin Avropa ölkələri ilə imzalanacaq müqavilələr üzrə qazının onlara satılması üçün Türkiyənin tranzit şərtlərini öyrənmək niyyətindədir.
Söhbət "Şahdəniz" yatağının 2011-2012-ci illərə planlaşdırılan ikinci mərhələ işlənilməsindən gedir. İkinci mərhələdə bu yataqdan qaz hasilatı 12 mlrd. kubmetrdən 21 mlrd. kubmetrə qədər artacaq. Bu qazın satıcısı qismində Azərbaycan çıxış edəcək. Hazırda ölkədəki mavi yanacaq ehtiyatları 1,5 trln. kubmetr həcmində qiymətləndirilir. Nazirin sözlərinə görə, bu ehtiyatı digər yataqların hesabına artırmaq lazımdır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
.jpg)
