Azərbaycan, Bakı / Trend , müxbir İ.Xəlilova / Bazar ertəsi iqtisadi inkişaf nazirinin müavini, "Bakıelektrikşəbəkə" və "Sumqayıtelektrikşəbəkə"nin Müşahidə Şurasının sədri Mikayıl Cabbarovun verdiyi məlumata görə, hər iki şəbəkənin Müşahidə Şurası gəlir və daxilolmaların smetasının, həmçinin bu şirkətlərin investisiya proqramlarının qiymətləndirilməsinə başlayıb.
"Gec olsa da smeta və investisiya proqramları hər iki şəbəkənin şurasının son iclaslarına təqdim olunub və indi təhlil edilir. Bütün tövsiyələrin və təkliflərin nəzərə alınmasından sonra SC-nin büdcəsi və proqramı Müşahidə Şurasında təsdiq olunacaq" - deyə Cabbarov bildirib.
Sərmayə yatırımları ilə bağlı proqramlar inkişaf və siyasət strategiyasına əsaslanmalıdır, bu səbəbdən də proqramlar 2010-cu ilə qədər daha uzun bir müddəti əhatə edir.
Nazir müavini Bakı və Sumqayıt elektrik şəbəkələrinin inkişafı üçün tələb olunan investisiyaların həcmini açıqlamaqdan imtina edib, belə ki bu məsələ hələ müzakirə mövzusudur.
Elektrik şəbəkələrinin investisiya proqramı əsasən şəbəkələrin fasiləsiz fəaliyyətini təmin edən yeni yarımstansiyanın, infrastrukturun tikintisini nəzərdə tutur. Maliyyə mənbələrini şirkətin öz vəsaitləri və dövlət tərəfindən elektrik şəbəkələrinin nizamnamə kapitalına daxil edilən vəsaitlər təşkil edir.
Bakının elektrik enerjisi ilə təminatı məqsədilə nəzərdə tutulan investisiyaların həcminin 150 mln. dollar həcmində olduğu elan olunub.
Bu tədbirlər prezidentin ""Bakıelektrikşəbəkə" və "Sumqayıtelektrikşəbəkə" SC-nin fəaliyyətinin səmərəliliyinin artırılması ilə bağlı təbirlər haqqında" 10 avqust, 2006-cı il tarixli sərəncamına uyğun olaraq keçirilir.
2002-ci ilin yanvar ayından "Barmek"şirkəti "Bakıelektrikşbəkə"ni 25 il müddətinə, 2002-ci ilin oktyabr ayından isə Sumqayıt və ölkənin şimal rayonlarının elektrik şəbəkələrini birləşdirən "Sumqayıtelektrikşəbəkə"nin idarəsini ələ alıb. 2006-cı ilin avqust ayında İqtisadi İnkişaf Nazirliyi hər iki elektrik şəbəkənin Türkiyənin "Barmek" şirkətinin idarəsinə verilməsinə dair müqaviləni pozub.
