Bakı. Taleh Mursaqulov - Trend:
Bakı Fond Birjasının (BFB) Üzvlük Komissiyasının qərarı ilə 17 dekabr 2018-ci il tarixindən etibarən “BTB Kapital İnvestisiya şirkəti” ASC üzvlüyə qəbul edilib.
Trend-in məlumatına görə, bu barədə Bakı Fond Birjasından bildirilib.
Qeyd edək ki, “BTB Kapital İnvestisiya şirkəti” ASC Azərbaycan Respublikasının Maliyyə Bazarlarına Nəzarət Palatası tərəfindən 12 oktyabr 2018-ci il tarixində verilmiş investisiya şirkəti fəaliyyəti üçün müddətsiz lisenziyaya malikdir.
Hazırda BFB-nin “BTB Kapital İnvestisiya şirkəti” ASC də daxil olmaqla 7 aktiv üzvü var.