Bakı. Trend:
2024-cü ilin birinci rübünün yekunlarına görə, xaricdən Azərbaycana pul köçürmələrinin həcmi 294 milyon ABŞ dolları olub.
Trend xəbər verir ki, bu barədə Mərkəzi Bankın Statistika departamentinin direktoru Samir Nəsirov bu gün keçirilən brifinqdə deyib.
"2024-cü ilin birinci rübünün yekunlarına görə, Azərbaycana pul köçürmələrinin həcminə görə liderlik edən beş ölkə siyahısına Rusiya (155 milyon dollar), Türkiyə (39 milyon dollar), ABŞ (14 milyon dollar), Gürcüstan (9 milyon dollar), Böyük Britaniya (8 milyon dollar) daxildir", - o qeyd edib.
Xatırladaq ki, 2023-cü ildə Azərbaycana pul köçürmələrinin həcmi 54,3 faiz azalaraq 1 milyard 665 milyon dollar olub.
(Tərcümə: Rəna Əbdürəhmanova)