Azərbaycan, Bakı / Trend , müxbir S.Babayeva/ Azərbaycan Rabitə və İnformasiya Texnologiyaları Nazirliyinin nümayəndəsi informasiya-kommunikasiya texnologiyaları sahəsində dünyanın ən iri beynəlxalq sərgilərindən biri olan "CeBIT Bilisim Eurasia 2007"də iştirak edəcək. Bu barədə dövlət idarəsindən məlumat verilib.
Sərgidə Rabitə Nazirliyi informasiya cəmiyyətinin inkişafı şöbəsi elektron xidmət sektorunun müdiri İsfəndiyar Əliyev iştirak edəcək.
"CeBIT Bilisim Eurasia 2007" sərgisi oktyabrın 2-7-də İstanbulun Tuyap Exhibition and Congress Center (26 min kvadrat metrdən çox sərgi sahəsi) sərgi kompleksində keçiriləcək.
2006-cı ildə "CeBIT Bilisim Eurasia" sərgisində 952 gksponat və 143 minə yaxın müştəri və seyrçi iştirak edib. Sərgi pavilyonunun ümumi sahəsi isə 26,489 min kvadrat metr təşkil edib.
Bu il sərgidə 140 min müştəri və seyrçinin, 70 ölkədən min eksponatın iştirakı gözlənilir.