Azərbaycan, Bakı / Trend , müxbir S.Babayeva / Azərbaycan Rabitə və İnformasiya Texnologiyaları naziri Əli Abbasov bildirib ki, Azərbaycanda informasiya texnologiyaları sahəsində islahatların aparılmasında problem telefon şəbəkəsinin özəlləşdirilməsinin aşağı tempidir. Nazir Azərbaycan ərazisindəki stasionar telefon şəbəkəsinin 95 faizinin dövlət müəssisələri olan "Baktelekom" və "Aztelekom" İB-ə məxsus olmasını arzuolunan hesab etmir. Abbasov bildirib ki nazirliyin məsləhət şirkəti əlaqə obyektlərinin özəlləşdirilməsi barədə təklifləri hazırlayır. Onlar ilin axırınadək hazırlana və təqdim oluna bilər. "İndi biz məsləhətçinin hansı təkliflərinin olacağını gözləyirik" - nazir bildirib. Özəlləşdirməyə qədər bu müəssisələrin strukturlarının yenidən qurulması planlaşdırılır. Nazrilikdən erkən verilən xəbərə görə, Azərbaycanın mobil rabitə şirkəti Azercell Telecom-da olan 35.7 faiz dövlət payının özəlləşdirilməsi başa çatır. Bu rəqəm Azeurotel - də 50, Ultel - də 28 faiz təşkil edir. 2008 - ci ilin yanvar ayından bu müəssisələrin özəlləşdirmə prosesinin sürətlənəcəyi gözlənilir. Müəssisələrin özəlləşdirilməsi 2006 - 2008 - ci illərdə Azərbaycanda rabitə və informasiya texnologiyalarının inkişafı barədə Dövlət Proqramının ("Elektron Azərbaycan") tədbir bölmələrinin planına uyğun olaraq aparılacaq.
...
