Azərbaycan, Bakı / Trend , müxbir S.Babayeva / Şirkətin MDB üzrə vitse - prezidenti Robert Eycinin (Robert Agee) verdiyi xəbərə görə, şəbəkə texnologiyaları və İnternet avadanlıqları sahəsində dünya istehsalçısı Cisco Systems Azərbaycanda NGN ( Next Generation Network ) şəbəkəsinin həyata keçirilməsi konsepsiyasını hazırlayır. İşlər Azərbaycan Rabitə və İnformasiya Texnologiyaları nazirliyi ilə hələ də davam edən danışıqlardan sonra başlayacaq. "İş ondadır ki, NGN texnologiyaları bir çox hallarda, deyilənlərdən fərqli olaraq, müxtəlif məqsədlər üçün daha geniş texnoloji imkanlardır" - şirkətin vitse - prezidenti bildirib. Azərbaycan üçün bu texnologiyanın xeyri barədə suala toxunan şirkətin nümayəndəsi bildirib ki, bu şəbəkə ölkədə qurulduğu halda operatorlara, bir əlaqə xəttinin köməyi ilə videosəsli və mobil əlaqə xidməti göstərməyə imkan verəcək. Bu şəbəkənin köməyilə ölkənin ayrı - ayrı şəhər və kəndləri üçün Wi - Max sistemini həyata keçirmək olacaq. Eycinin sözlərinə görə, layihə hələ hazırlanma mərhələsində olduğu üçün, onun dəyəri müəyyən deyil. Eyci bildirib ki, əgər hökumət konsepsiyanı bəyənsə, layihənin texniki reallaşdırılması 2008 - ci ildən başlaya bilər. Keçən il Cisco Systems Korporasiyası Azərbaycanla əməkdaşlıq və biznesini genişləndirməkdə maraqlı olduğunu bildirib. Şirkətin Azərbaycanda yaradılacaq regional innovasiya zonası layihəsində iştirak etmək niyyəti bunu sübut edir. Cisco Systems - in inkişafda olan bazarlarla iş üzrə prezidenti Pol Montfordun (Paul Mountford) BakuTel 2006 Beynəlxalq sərgisində iştirak etmək üçün səfərinin gedişində konkret layihələrin reallaşdırılması müzakirə olunub. Korporasiya Regional İnnovasiya Mərkəzi çərçivəsində, mühəndislərin hazırlanması üçün Regional Mərkəz yaratmaq təşəbbüsü ilə çıxış edib. Başqa təklif isə, Azərbaycanda növbəti nəsil texnologiyalarının (Next Generation Network) həyata keçirilməsi olub.
...
