Azərbaycan, Bakı / Trend müxbir S.Babayeva/ Dövlət Radiotezliklər İdarəsindən (DRİ) verilən məlumata görə, Beynəlxalq Elektrorabitə İttifaqının MDB, Mərkəzi və Şərqi Asiya, Baltik ölkələrinin kənd və ucqar rayonları üçün genişzolaqlı simsiz çıxış (BWA) mövzusunda keçiriləcək seminarda Azərbaycanı idarənin əməkdaşı Salman Hüseynov təmsil edəcək. Seminar noyabrın 26-29-da Moskvada keçiriləcək.
Seminarda genişzolaqlı simsiz rabitə xidmətlərinin mövcudluğuna təsir göstərən texniki və iqtisadi faktorlar nəzərdən keçiriləcək. Seminarın proqramına aşağıdakılar daxildir.
- genişzolaqlı rabitə sahəsinə giriş
- genişzolaqlı proqram və sistemlərin rellaşması
- kənd və ucqar ərazilər üçün genişzolaqlı xidmətlərin tətbiqi
- genişzolaqlı simsiz rabitə texnologiyaları və standartları
- reqlamentar aspektlər
- BWA-nın planlaşdırılması və reallaşması
-2 G-dən 3G-yə çıxış
Beynəlxalq Elektrorabitə İttifaqında hesab edirlər ki, geniş coğrafi əraziləri əhatə etməsi sayəsində simsiz texnologiyalar əhaliyə genişzolaqlı rabitə xidmətləri göstərilməsinin üçüncü vasitəsinə çevrilir.
