Azərbaycan, Bakı / Trend , müxbir S.Babayeva/ Dekabrda Bakıda, Avropa Konfrasının Poçt və Əlaqə Administrasiyalarının 37 - ci plenar iclası keçiriləcək. Bu barədə Azərbaycanın Rabitə və İnformasiya Texnologiyaları nazirliyindən xəbər veriblər. Dekabrın 5 - dən 6 - dək davam edəcək sessiyada təşkilatın tərkibinə daxil olan ölkələrin nümayəndələri iştirak edəcəklər. Sessiyanın gündəliyinə iştirakçı ölkələrin poçt administrasiyalarının, təşkilatın ayrı - ayrı iş qruplarının təqdimatı, 2008 - ci ildə Nayrobidə (Keniya) keçiriləcək Ümumdünya Poçt İttifaqının Konqresinə hazırlıqla bağlı məsələlər, poçt sferasının liberallaşdırılması və s. məsələlər daxildir. CEPT (Conference of European Post and Telecommunications) - Avropa Konfrasının Poçt və Əlaqə Administrasiyası 1959 - cu ildə 19 Avropa ölkəsi tərəfindən təsis edilib. CEPT - ə 48 ölkə daxildir - Albaniya, Andorra, Avstriya, Azərbaycan, Belarus, Belçika, Bosniya və Hersoqovina, Bolqariya, Xorvatıstan, Kipr, Çexiy, Danimarka, Estoniya, Finlandiya, Fransa, Gürcüstan, Almaniya, Böyük Britaniya və başqa ölkələr. CEPT - in Baş Qərargahı Norveçdə yerləşir. CEPT - in üç Komitəsi var : poçt əlaqəsi üzrə bir (CERP) və telekomunikasiya texnologiyaları üzrə iki (ERC və ECTRA).
...
