Azərbaycan, Bakı, 17 yanvar / Trend , müxbir S.Babayeva/ 2007-ci ildə Azərbaycanın Rabitə və İnformasiya Texnologiyaları Nazirliyi (RİTN) dövlət büdcəsinə 22,9 mln. manat vəsait köçürüb. Bu barədə nazirliyin Maliyyə, uçot və iqtisadi təhlil şöbəsinin müdiri Rəşad Nəbiyev məlumat verib.
"Öləknin Dövlət Sosial Müdafiə Fonduna köçürmələr 10 mln. manat artıb" - deyə şöbə müdiri bildirib.
Onun sözlərinə görə, ötən il ərzində ölkənin telekommunikasiya sektoru 158,4 mln. manat maliyyələşdirilib ki, investisiya strukturunda RİTN-nin payı 39,3 mln. manat təşkil edib.
2007-ci ildə rabitə sektorundan əldə olunan gəlirlər 719,9 mln. manat təşkil edib. Gəlirlərin 78,3 faizi özəl sektrorun payına düşüb. Ümumi gəlirlərin 72,6 faizi isə əhaliyə göstərilən rabitə xidmətindən əldə olunub.