Azərbaycan, Bakı, 01 aprel / Trend , müxbir S.Babayeva/ Türkiyə və Azərbaycan elektron poçt pul köçürmələrinin reallaşdırılması məsələsini müzakirə edəcəklər.Çərşənbə axşamı Azərbaycan Rabitə və İnformasiya Texnologiyaları Nazirliyindən məlumat veriblər ki, bu, Türkiyə poçt idarəsi mühəndislərinin çərşənbə gününə planlaşdırılmış Bakıya səfərində gözlənilir.
" Bu gün Türkiyə ilə poçt pul köçürmələri faksimile sistemi vasitəsilə həyata keçirilir ki, bu da əlverişli deyil"- nazirlikdə qeyd edilib.
İdarədə məlumat verilib ki, Türkiyə tərəfi Azərpoçt rəhbərliyi ilə pul köçürmələrinin texniki məsələlərini, eləcə də, Azərbaycanın bu əməliyyatları Türkiyə poçtu vasitəsilə digər ölkələrlə də həyata keçirilməsi məsələsini müzakirə edəcək.
Azərbaycan Ümumdünya Poçt İttifaqının Beynəlxalq Maliyyə Sistemi (MTF/STEFİ) vasitəsilə Rusiya, Qazaxıstan, Moldova, Belarus, Ukrayna və Birləşmiş Ərəb Əmirlikləri ilə pul köçürmələri mübadiləsi sistemini tətbiq edib.
Bu xidmətlərin Fransadan başqa, Estoniya və Mərkəzi Asya ölkələri ilə həyata keçirilməsi perspektiv planlara daxildir. Türkiyə bu sistemə daxil olmadığından, Azərbaycanla əməkdaşlıq mümkün deyil. Bu gün Azərbaycan Poçt İdarəsi Türkiyədən başqa, Gürcüstanla pul köçürmələrini faksla həyata keçirir.
