Azərbaycan, Bakı, 11 noyabr/ Trend , müxbir S.Babayeva/ "Təxminən 20 ölkəni (Şərqi Avropa dövlətlərindən Çinədək) əhatə edəcək Transmilli Avrasiya yüksəksürətli informasiya magistralının çəkilməsi üzrə yeni layihə Trans-Asiya-Avropa (TAA) fibrooptik magistral şəbəkəsinin bazasında yaradılacaq", - Azərbaycanın rabitə və informasiya texnologiyaları naziri Əli Abbasov çərşənbə axşamı Baku Tel - 2008 XIV Beynəlxalq İnformasiya Texnologiyaları Sərgisi çərçivəsində keçirilən nazirlərin görüşündə bildirib.
"Bu layihənin realizəsi ilə regionda geniş elektron bazar yaradılacaq", - Abbasov bildirib.
Onun sözlərinə görə, layihənin həyata keçirilməsi üçün, ilk növbədə, vahid idarəetmə strukturu yaradılmalıdır. Bütün maraqlı ölkələr şəbəkənin yaradılması və tariflərin tənzimlənməsi üzrə vahid strategiyanın hazırlanmasında iştirak etməlidirlər.
Booz & Co Konsaltinq Şirkətinin araşdırmalarına əsasən, hazırda regionda broadband kommunikasiyaların tətbiqi səviyyəsi cəmi 5 faiz təşkil fedir.
Azərbaycan layihənin ən ambisiyalı ölkəsidir. Onun realizəsindən sonra, İnternet istifadəçilərinin 99 faizi Dünya şəbəkəsinə çıxış əldə edəcək.
Booz & Co hesab edir ki, gələcəkdə informasiya axının artmasına xidmət edəcək infrastrukturun inkişafına böyük vəsaitlər yatırmaq lazımdır.
Transmilli Avrasiya yüksəksürətli informasiya magistralının çəkilməsi layihəsini BMT-nin İnformasiya - Kommunikasiya Texnologiyalarının İnkişafı üzrə Qlobal Alyansı, Rabitə Sahəsində Regional Birlik, TAA Assosiasiyası, Rusiya, Sloveniya, Estoniya, Belarus, ABŞ və digər ölkələr dəstək göstərir.
Nazirlərin Transmilli Avrasiya yüksəksürətli informasiya magistralının yaradılmasına həsr olumuş görüşünün yekunları üzrə Bakı Bəyannaməsi qəbul ediləcək.
Müəliflə əlaqə saxlamaq üçün elektron ünvan: [email protected]
