Azərbaycan, Bakı, 12 mart / Trend , müxbir S.Babayeva /
Nazirlər Kabinetinin 2008-ci ilin yekunları ilə bağlı hesabatında deyilir ki, dörd il ərzində (2004-2008) Azərbaycanda mobil rabitə abunəçilərinin sayı 4,9 mln. nəfərdən 5,9 mln. nəfərə yüksəlib.
Bu dövr ərzində stasionar telefon şəbəkəsi abunəçilərin sayı 395 min nəfər artaraq 1,32 mln. təşkil edib. Beləliklə, Azərbaycanda telefon rabitəsi abunəçilərinin ümumi sayı 7,22 mln. nəfərə çatıb.
2003-cü ildə hər 100 nəfərə 12,8 mobil rabitə abunəçisi düşürdüsə, 2009-cu ilin əvvəlində bu rəqəm 68 nəfərə kimi yüksəlib. Stasionar telefon şəbəkəsində də bu göstərici 49-dan 65-ə yüksəlib.
Hazırda Azərbaycanda üç GSM-operator fəaliyyət göstərir - Azercell Telecom, Bakcell və Azerfon (Nar Mobile nişanlı).
Hökumətin proqnozlarına əsasən, Azərbaycanda mobil rabitə abunəçilərinin sayı 2010-cu ildə 6,2 mln. nəfərə, 2011-ci ildə isə 6,8 mln. nəfərə çata bilər.
Məqalə müəllifi ilə əlaqə ünvanı: [email protected]
