Azərbaycan, Bakı, 18 may / Trend , müxbir S.Babayeva /
"Ölkənin rabitə və informasiya texnologiyaları naziri Əli Abbasovun başçılıq etdiyi Azərbaycan nümayəndə heyəti, bu gün işinə başlayan İnformasiya cəmiyyəti üzrə ümumdünya sammitinin Cenevrədəki forumunun (WSIS Forum 2009) işində iştirak edir.
"Mayın 22-nə qədər sürəcək forum artıq İnformasiya cəmiyyəti üzrə ümumdünya sammitin qərarlarının yerinə yetirilməsi üzrə yüksək səviyyədə ənənəvi toplantıya çevrilib", - Rabitə Nazirliyindən deyilib.
İnformasiya cəmiyyəti üzrə ümumdünya sammiti iki mərhələdə keçirilib: 2003-cü ilin dekabrında Cenevrədə və 2005-ci ilin noyabrında Tunisdə. Görüşlərdə dünyanın əksər ölkələrinin rəhbərlikləri informasiya cəmiyyətinin qlobal problemlərini müzakirə etmək üçün toplaşıblar.
Bugünkü forum yığılıb qalmış məsələlərin həlli üçün informasiya cəmiyyəti üzrə ümumdünya sammitin bütün maraqlı tərəfləri ilə açıq məsləhətləşmələr aparmağa imkan verir. Səfərin gedişində Azərbaycan nümayəndə heyəti bir sıra ikitərəfli görüşlər də keçirəcək.
Məqalə müəllifi ilə əlaqə ünvanı: [email protected]
