Azərbaycan, Bakı, 21 iyul / Trend , müxbir A. Bədəlova/
İyulun 22-dən (Bakı vaxtı ilə 00:00-dan) Azərbaycanın iki mobil rabitə opreatoru - "Azercell Telekom" MMC və "Azerfon" MMC (Nar Mobile) arasında birləşdirici kanallar bağlanacaq. Bu barədə çərşənbə axşamı "Azercell" rəhbəri Əli Ağan məlumat verib.
Kanal 28 fevral 2007-ci ildən imzalanmış müqavilə çərçivəsində aylıq ödəmə şərtlərinin müntəzəm pozulması ilə əlaqədar olaraq Azerfon tərəfindən 11 milyon manat həcmində borc yığılması səbəbi ilə bağlanılacaq. Borc 2008-ci ilin iyulundan bu günə qədər yığılıb.
"Azercell"-in daimi müraciətlərinə baxmayaraq, "Azerfon" bu istiqamətdə heç bir addım atmayıb", - məlumatda deyilir.
"Hər iki operatorun abunəçilərinin bir-biri ilə mobil rabitə əlaqələri yaratmasında ortaya çıxacaq maneələrə görə "Azerfon" məsuliyyət daşıyacaq", - Azercell-in məlumatında deyilir.
Məqalə müəllifi ilə əlaqə ünvanı: [email protected]