Azərbaycan, Bakı, 03 avqust / Trend , müxbir Q.Vəliyev /
Azərbaycanda "Azərtelekom" MMC NGN(Next Generation Network) platformasının tətbiqi üzrə işlər həyata keçirir, bu barədə şirkətin məlumatında deyilir. Məlumatda qeyd edildiyi kimi, müəssisə tərəfindən gücü 50 faiz artırılan milli telekommunikasiya şəbəkəsinin müasirləşdirilməsi üzrə işlər həyata keçirilib.
Şirkətin əsas məqsədi abunəçilərinə yeni xidmətlər və servislər təklif edərək yaradılan infrastrukturdan səmərəli istifadə, şəbəkəyə giriş dəyərinin azaldılması üçün mühim maneə olan yüksək məbləğin - magistral İnternet trafikinin ödənilməsi xərclərinin azaldılmasıdır.
NGN konsepsiyasına əsasən, müasirləşdirilən şəbəkə onların idarəedilməsi üzrə çevik imkanlar ilə hədsiz xidmətlər toplusuna dəstəyi nəzərdə tutur. Bu, şirkətə şəbəkənin idarə edilməsi üzrə xərclərin əhəmiyyətli dərəcədə azaldılmasına nail olmağa imkan verəcək. NGN-nin Azərtelekom üçün tətbiqi prioritet məsələlərdən biridir, belə ki, məhz onun köməyi ilə şirkət uzunmüddətli perspektivdə yeni xidmətlər seqmenti artımının saxlanılmasına nail olmaq niyyətindədir.
Məqalə müəllifi ilə əlaqə ünvanı: [email protected]
