Azərbaycan, Bakı, 14 avqust / Trend , müxbir H. Vəliyev /
Rabitə və İnformasiya Texnologiyaları Nazirliyi (RİTN) Microsoft Enterprise Agreement-lə müqavilə imzalayıb, Microsoft Azerbaijan-ın mətbuat xidməti məlumat verir.
Microsoft Azerbaijan-ın məlumatına görə, RTİN Microsoft Enterprise Agreement razılaşması üzrə bütün kompüter parkında Microsoft təminat proqramını lisenziyalaşdırmış ilk təsisatdır.
Enterprise Agreement üstünlüyü birgə sahibolma üzrə dəyərin azalmasından ibarətdir. Ödəmələr illik ödəmə şəklində edilir ki, bu da proqram təminatının əldə edilməsində birdəfəlik iri investisiyadan azad olmağa imkan verir. Proqram Microsoft (Software Assurance) məhsullarının ən son versiyalarından istifadə imkanlarını, PT-nin lisenziya olmadan istifadə riskinin azaldılmasını nəzərdə tutur. Microsoft Enterprise Agreement proqramı proqram məhsullarının möhlətlə alınmasını nəzərdə tutur.
Microsoft-un Azərbaycan nümayəndəliyinin rəhbəri Teymur Axundovun sözlərinə görə, şirkət digər dövlət strukturlarının, eləcə də komersiya şirkətlərinin korporativ lisenziyalaşdırma məsələsinə diqqət yetirəcəyinə ümid edir.
Microsoft Enterprise Agreement korporativ lisenziyalaşdırma proqramı korporativ standard kimi Micriosoft platformasını seçməyə hazır olan, 250 kompüterli təşkilatlar üçün təyin edilib. Enterprise Agreement müqaviləsi çərçivəsində təşkilatlar bütün PK istifadəçiləri üçün Microsoft-un baza məhsullarını lisenziyalaşdırırlar. Əlavə olaraq, ödəniş illik ökəmə şəklindədir.
Baza məhsullarına bunlar aiddir: Microsoft Windows Vista Business Upgrade, Microsoft Office Professional Plus və ya/və Office Enterprise, Microsoft serverinə (Core CAL Suite və ya Enterprise CAL Suite) giriş üçün müştəri lisenziyası komplekti. Təşkilatlara üç məhsulun bütün dəstini lisenziyalaşdırma imkanları - Desktop Platform platforması və ya ayrılıqda hər baza məhsulunu lisenziyalaşdırma imkanları, müqavilənin qüvvədə olma müddəti ərzində seçilmiş məhsulun ən son versiyasının istifadə imkanlarını verir (Software Assurance haqqı lisenziyanın dəyərində tutulub).
Məqalə müəllifi ilə əlaqə ünvanı: [email protected]
