Azərbaycan, Bakı, 31 avqust / Trend , müxbir H.Vəliyev /
Azərbaycanın Rabitə və İnformasiya Texnologiyaları Nazirliyi (RİTN) internet tariflərinin üç dəfə azaldılması barədə qərar qəbul etməyə hazırdır. Bu barədə Trend -a nazirlikdən bildirilib.
Nazirliyin məlumatına görə, sentyabrdan respublikada internet şəbəkəsinə giriş qiymətləri üç dəfə azaldılacaq. Bu gün ayrılmış tarif planından asılı olaraq, abonentlərin ADSL yüksək sürətli girişi üzrə xərcləri 30 manatla (512/256 Кbit/s) 360 manat (3072/1024) Кbit/s arasında dəyişir.
Qoşulmanın dəyərinin birdən-birə bu qədər azalması daxili kanallara (həm peyk, həm yerüstü) olan qiymətlərin azalması, avadanlıqların ucuzlaşması və provayderlər arasında rəqabətin artması ilə izah olunur.
İnternet şəbəkəsinə girişin azalmasına internet provayderlərlə müntəzəm aparılan danışıqlar da bilavasitə təsir edib.
RİTN-in məlumatına görə, hazırda Azərbaycanda internet xidmətlərinin tarifləri Şərqi Avropa ölkələri səviyyəsindədir. Abonent ödəmələri dəyərinin sonrakı azalması genişzolaqlı giriş bazarında vəziyyəti kökündən dəyişə bilər. Qiymətlərin azalması uzunmüddətli olacaq və nazirlik tərəfindən yaradılan şərait buna yardım edəcək. Tariflər orta dünya qiymətləri səviyyəsinədək azaldılacaq.
RİTN-in son məlumatlarına əsasən, 2009-ci ilin birinci yarısındakı vəziyyətə görə, Azərbaycanda internetin yayılma səviyyəsi 37 faizə çatıb.
Məqalə müəllifi ilə əlaqə ünvanı: [email protected]
