Azərbaycan, Bakı, 04 sentyabr / Trend , müxbir H.Vəliyev /
Azercell Telecom MMC BizKlub çərçivəsində fakturalı xətt abonentləri üçün yeni güzəştli təkliflər təqdim edib, şirkətdən verilən məlumatda deyilir.
Şərtlərə müvafiq olaraq 30 noyabradək BizKlub üzvləri öz aralarında 1 dəqiqəsi 0,04 manat tarifi ilə danışa bilərlər (ƏDV tutulmadan).
Bu dövr ərzində BizKlub üzvləri 6066 nömrəsinə zəng etməklə "Şəxsi katibim" xidmətindən pulsuz istifadə etmək imkanı əldə biləcəklər. Xidmət çiçək, şirniyyat, taksi, mobil telefon, kompüter sifarişinə, restoranlarda yer ayırma, şəhər apteklərindən dərmanlar haqqında məlumat almaq, avtomobillərə texniki baxış keçirililməsi və s. üçün imkan yaradır.
BizKlub üzvləri həm də paytaxtın restoranlarında, mehmanxalarda, turist agentliklərində, geyim mağazalarında və avtomobil kirayələmədə 20-30 faizlik endirimlər əldə edə bilərlər.
Azercell-in korporativ abonentləri avtomatik olaraq BizKluba qoşulurlar. Digər fakturalı xətt abonentləri isə BizKluba son 3 ayın ödənilmiş faktura məbləğinin hər bir ayı 50 manatdan artıq olduqda qoşula bilərlər.
BizKlub üzvlüyü haqda məlumat abonenetə qısa mesaj vasitəsilə çatdırılır. Abonent KOD sözünü yazıb 2222-yə mesaj göndərməklə kod əldə edir. Fakturalı xətt abonentləri bu kod vasitəsilə BizKlub çərçivəsində təqdim edilmiş güzəştlərdən yararlana bilərlər.
Məqalə müəllifi ilə əlaqə ünvanı: [email protected]
