Azərbaycan, Bakı, 31 oktyabr / Trend , müxbir H.Vəliyev /
Azərbaycanın Rabitə və İnformasiya Texnologiyaları Nazirliyinin nümayəndə heyəti Regional Rabitə Birliyinin Rabitə Administrasiyası Başçıları Şurasının noyabrın 25-də Minskdə keçiriləcək 41-ci iclasının işində iştirak edəcək, bu barədə Trend -a RİTN-dən bildirilib.
Nümayəndə heyətinə rabitə və informasiya texnologiyaları naziri Əli Abbasov başçılıq edəcək.
Gündəliyə Beynəlxalq Elektron Rabitə İttifaqının ümumdünya forumlarına hazırlığı zamanı rabitə administrasiyalarının qarşılıqlı fəaliyyət məsələləri, RRB-nın daxili fəaliyyəti məsələləri və s. daxil edilib.
Şuranın iclasında rabitə administrasiyalarının tamhüquqlu iştirakçılarından ibarət nümayəndə heyətləri və RRB-nın müşahidəçiləri, həmçinin beynəlxalq təşkilatlardan qonaqlar iştirak edəcəklər.
Məqalə müəllifi ilə əlaqə ünvanı: [email protected]