Azərbaycan, Bakı, 16 yanvar / Trend , müxbir H.Vəliyev/
Bakı Telefon Rabitəsi İstehsalat Birliyi 423 saylı ATS-in yenidən qurulması işlərini ayın sonuna başa çatdıracaq. Bu barədə Azərbaycanın Rabitə və İnformasiya Texnologiyaları Nazirliyindən (RİTN) Trend -a bildirilib.
Nazirliyin məlumatına görə, ATS-in yenidən qurulması rabitə və servis xidmətlərinin keyfiyyətinin yaxşılaşdırılması ilə yanaşı, stasionar rabitə abunəçilərinin sayının 15 minə və genişzolaqlı rabitə istifadəçilərinin sayını isə beş minə çatmasına imkan verəcək.
Bu gün nömrətutumlu telefon stansiyalarının yeni elektron ATS-lərə köçürülməsinə dair işlər aparılır. ATS şəbəkəsi NGN texnologiyaları bazasında qurulur ki, bu da əhaliyə ənənəvi xidmət növləri ilə yanaşı, IP-telefoniya, genişzolaqlı internet və IP-TV xidmətlərinin göstərilməsinə də imkan verəcək.
Məqalə müəllifi ilə əlaqə ünvanı: [email protected]