Azərbaycan, Bakı, 6 may /Trend, müxbir H.Vəliyev/
Azərbaycanın Rabitə və İnformasiya Texnologiyaları Nazirliyi beynəlxalq rabitəyə olan tariflərin aşağı salınmasını nəzərdə tutan təkliflər paketi təqdim edib. Bu barədə cümə axşamı rabitə və informasiya texnologiyaları naziri Əli Abbasov bildirib.
Nazirin sözlərinə görə, hazırda Azərbaycanda beynəlxalq rabitə xidmətlərinin qiymətləri müxtəlifdir və əksər hallarda operatorlar beynəlxalq rabitə xidmətlərini qiyməti bir neçə dəfə artırılmış şəkildə, bəzi hallarda isə aşağı qiymətlə təklif edirlər.
Nazirliyin təklifi bazarda mövcud olan tariflərin bir-birinə uyğunlaşdırılmasına çağırır. Bu isə öz növbəsində gələcəkdə qiymətlərin aşağı salınmasına yönələn siyasətdir.
Abbasovun sözlərinə görə, ümumilikdə təklif olunan xidmətlər üçün tarif siyasəti onların maya dəyərinə uyğun gəlməlidir.
