Azərbaycan, Bakı, 21 iyun /Trend, müxbir H.Vəliyev/
Azərbaycanda yanvar-may aylarında 25,3 milyon manat dəyərində elektron, optik və kompüter avadanlığı, eləcə də elektrik avadanlığı istehsal olunub. Bu barədə Dövlət Statistika Komitəsinin məlumatında deyilir.
Bu müddət ərzində elektron, optik və kompüter avadanlığı 10,4 milyon manat dəyərində istehsal olunub ki, bu da ötən ilin müvafiq dövrünə nisbətən 54,3 faiz azdır.
Elektrik avadanlığı 14,9 milyon manat dəyərində istehsal edilib ki, bu da ötən ilin yanvar-may aylarında qeydə alınan göstəricidən 29,4 faiz çoxdur.
