Azərbaycan, Bakı, 26 iyul /Trend, müxbir Q.Vəliyev/
Regional Rabitə Birliyi (RRB) iştirakçı ölkələrinin sinxron səsli yayım şəbəkələrinin radiotezlik resurslarının istifadəsinin öyrənilməsi üzrə texniki ekspertlərdən ibarət işçi qrup sinxron şəbəkələrin (orta və uzun dalğaların diapazonları) tezliklərinin bölüşdürülməsi kriteriyalarını müəyyənləşdirəcək. Bu barədə Trend-ə bazar ertəsi Azərbaycan Rabitə və İnformasiya Texnologiyaları Nazirliyinin Dövlət Radiotezliklər İdarəsinin (DRİ) baş mühəndisi İlham Əfəndiyev bildirib.
Əfəndiyevin sözlərinə görə, söhbət bir dövlətin istifadə etdiyi ötürücünün digər yayım diaqramı üçün qüsurlar yaratmamasına görə, əlaqələndirilmənin zəruri olması üzrə 549 кqs, 873 кqs və 171 кqs tezliklərindən gedir.
Hazırda ölkələrə bu tezliklərdə sinxron işləməyə imkan verən proqram yoxdur və hər bir ölkə onu özünəuyğun şəkildə istifadə edir ki, bu da öz növbəsində, orta və uzun dalğaları ayrı-ayrılıqda istifadə edən ölkələr üçün texniki problem yaradır. Bu məsələnin müsbət həlli üçün işçi qrup kriteriya və parametrləri elə hazırlayır ki, onlardan bir ölkə istifadə etdiyi zaman, digəri üçün problem yaranmasın.
Antenanın istiqamətindən asılı olaraq orta və uzun dalğalar diapazonun öz yayım diaqramının olması ilə əlaqədar, bu diaqrama düşən ötürücülər bir-birinə qüsurlar yarada bilərlər. Məsələn, bir dövlətin ötürücüsü digərinin yayım diaqramına mane ola bilər.
DRİ-nin baş mühəndisinin fikrincə, mümkün qərarlardan biri ötürücü avadanlığın gücünün, antenlərin istiqamət və gücünün azaldılması ola bilər.
"Azərbaycanda istifadə olunan tezliklər Belarusda istifadə olunan tezliklərə qüsurlar yaratmaya bilər, bu ölkənin orta və uzun dalğa diapazonları, öz növbəsində, Azərbaycanda müəyyən qüsurlar yarada bilər. Yaxud da Sibirdə istifadə olunan 549 кqs tezliyi Azərbaycanda, ümumiyyətlə, problem yaratmaya bilər", - Əfəndiyev qeyd edib.
İşçi qrup mövcud problemləri ətraflı öyrəndikdən sonra, xüsusi diqqəti mövcud problemin texniki amillərinə və onların optimal həll yollarının müəyyən edilməsinə yönəldəcək.
İşçi qrupun ötən həftə Kiyevdə keçirilən ikinci iclasında orta və uzun dalğalar diapazonundan istifadə edən ölkələr müəyyənləşib. Bəzi ölkələrdə orta və uzun dalğalar diapazonundan istifadə edilmir, lakin perspektivdə onlardan rəqəmsal radioyayım üçün istifadə edilməsi nəzərdən keçirilir.
Azərbaycanda orta və uzun dalğalar diapazonu Bakıda 891 кqs, Pirsaatda və s. yerlərdə 1296 кqs tezliklərində istifadə olunur. 549 кqs orta və uzun dalğalar diapazonundan hələ ki istifadə olunmur, lakin DRİ-də qeydiyyatdan keçib.
Hazırda keçmiş Sovet İttifaqı ölkələri 549 кqs, 873 кqs və 171 кqs tezliklər resurslarından istifadədə bərabər hüquqa malikdir və bu resurslar "International Telecommunication Union" (ITU) təşkilatında qeydiyyatdan keçib. Sinxron rejimdən çıxan tezliklərə qüsurlar yaradan mənbənin müəyyən edilməsi üçün onun ITU-da təkrar qeydiyyatdan keçməsinə zərurət yarana bilər.
