Azərbaycan, Bakı, 7 oktyabr /Trend, müxbir H.Vəliyev/
Oktyabrın 15-də Şanxayda Ümumdünya "Expo 2010" sərgisi çərçivəsində Azərbaycanın Milli Pavilyon Günü qeyd ediləcək. Bu barədə cümə axşamı Trend-ə Azərbaycan Rabitə və İnformasiya Texnologiyaları Nazirliyindən bildiriblər.
"Expo 2010" sərgisi "Daha yaxşı şəhər - daha yaxşı həyat" şüarı altında mayın 1-də start götürüb və oktyabrın 31-dək davam edəcək.
Milli pavilyonda Azərbaycanın iqtisadiyyatın müxtəlif sahələrində, eləcə də informasiya-kommunikasiya texnologiyaları sahəsində nailiyyətləri nümayiş olunur.
Sərgi çərçivəsində Azərbaycanın orta hesabla 20 ölkəni birləşdirəcək və regionun inkişafı üçün lokomotiv rolunu oynayacaq "Şərq-Qərb" transmilli superinformasiya layihəsinin həyata keçirilməsi üzrə təşəbbüsü nümayiş edilir.
Sərgidə 192 ölkənin ekspozisiyası nümayiş olur. Pavilyon beş kvardatkilometr ərazini tutur. Sərginin keçirilməsinə 4 milyon dollar xərclənib. "Expo" sərgisinin tarixində ilk dəfə olaraq bütün pavilyon və milli ekspozisiyalara "onlayn" rejimdə baxmaq olar.
"Expo 2010" sərgisinin ziyarətçilərinin sayının 70 milyon nəfərə çatacağı gözlənilir.
