Azərbaycan, Bakı, 13 dekabr /Trend, müxbir H.Vəliyev/
"Yumroo" şirkəti uzaq məsafədən idarə olunan təlimin internet-platformasının yaradılması üzrə işlər aparır. Bu barədə Trend-ə bazar ertəsi şirkətin icraçı direktoru Hikmət Hüseynov deyib.
Onun sözlərinə görə, platforma konfrans rejimində işləyir, bu isə veb-texnologiyadan istifadə etməklə interaktiv onlayn-çat təşkil etməyə imkan verir. Bu günə sistem YALLI sosial şəbəkəsinin istifadəçiləri arasında beta-sınaq rejimindədir. Sistemdə fayllarla mübadilə imkanı da nəzərdə tutulub.
"Onlayn-çatda eyni vaxtda orta hesabla 15 nəfər iştirak edə bilər. Platforma tələbatdan asılı olaraq, həm hamı üçün açıq, həm də orta ixtisalaşmış mühitdə avtorizasiyanı tələb edə bilər: məsələn, uzaq məsafədən idarə olunan təlimin və ya elmi qrupa mühazirələrin təşkilində", - Hüseynov bildirib.
Hazırda "Yumroo" şirkəti bu sistemin respublikanın ali məktəb müəssisələrində tətbiqi imkanını nəzərdən keçirir.
