Azərbaycan, Bakı, 17 yanvar /Trend, müxbir H.Vəliyev/
Azərbaycan Vergilər Nazirliyi bələdiyyələrdən vergi yığımları sistemini tətbiq edəcək. Bu barədə bazar ertəsi Trend-ə Azərbaycan Vergilər Nazirliyinin ticari idarəsinin baş dövlət vergi müfəttişi Şöyüb Məmmədov deyib.
Məmmədovun sözlərinə görə, "Elektron Azərbaycan" Dövlət Proqramının tərkib hissəsi olan "Elektron bələdiyyə" pilot layihəsi çərçivəsində işlərin həyata keçirilməsi planlaşdırılır. Bu işlər dövlət büdcəsinin vəsaiti hesabına gerçəkləşəcək.
"Azərbaycan Vergilər Nazirliyi bələdiyyə orqanlarından vergi yığımı üçün mexanizmin yaradılmasında maraqlıdır.Gərəkli təcrübəmiz və bələdiyyə qurumlarına qarşı tətbiq edə biləcəyimiz bütün mümkün texniki imkanlarımız var. İlkin olaraq layihə bilavasitə Vergilər Nazirliyi ilə həyata keçirilməlidir. Məsələ müzakirə olunduqdan sonra Azərbaycan Rabitə və İnformasiya Texnologiyaları və Ədliyyə nazirliklərinin layihəyə qoşulması haqqında qərar qəbul olunub. Ədliyyə Nazirliyinin bələdiyyə qurumlarına birbaşa nəzarət edən müvafiq qurumu var", - Məmmədov deyib.
Məmmədovun sözlərinə görə, bu gün layihə müzakirə mərhələsindədir və onun çərçivəsində gerçəkləşdiriləcək işlərin siyahısı müəyyən olunur. Layihə pilot olduğu üçün perspektivdə digər dövlət qurumlarının ona qoşulması və həmçinin müvafiq aspektlərə baxılması mümkün hesab olunur.
