Azərbaycan, Bakı, 5 mart /Trend, müxbir H.Vəliyev/
Azərbaycan 2010-cu il ITU-nun (Internatoional Telecommunication Union) səlahiyyətli konfransının nəticələrini müzakirə edəcək. Bu barədə şənbə günü Trend-ə Azərbaycanın Rabitə və İnformasiya Texnologiyaları Nazirliyindən məlumat verilib.
Məsələyə ITU ilə iş üzrə işçi qrupun beşinci və Regional Rabitə Əməkdaşlığı (RRƏ) təşkilatının Beynəlxalq Əməkdaşlığın Əlaqələndirilməsi Komissiyasının martın 15-17-də Astanada keçiriləcək 24-cü iclaslarında baxılacaq.
İclasların gedişində 2010-cu il səlahiyyətli konfransı çərçivəsində qəbul edilən qərarların reallaşdırılması və ITU Şurası işçi qruplarının toplantısına hazırlıq məsələlərinin, eləcə də 2012-ci ildə ITU-nun beynəlxalq elektron rabitəsi üzrə konfransına və 2012-ci ildə ITU-nun elektron rabitənin standartlaşdırılması üzrə Ümumdünya Assambleyasına hazırlıq məsələlərinin müzakirə olunması planlaşdırılır.
