Azərbaycan, Bakı, 31 mart /Trend, müxbir H.Vəliyev/
Bakıda innovasiya texnologiyalarının inkişafına investisiya qoyuluşunun stimullaşdırılması yolları müzakirə olunur.
Məsələ Azərbaycan Milli Elmlər Akademiyasının Elmi İnnovasiyalar Mərkəzində "Korporativ idarəetmə və iqtisadiyyatın innovasiya inkişafı" mövzusunda keçirilən beynəlxalq konfrans çərçivəsində müzakirə olunur.
Tədbirin gedişində sahə üzrə ekspertlər innovasiya fəaliyyətinin problemlərini nəzərdən keçirir, İKT sektoru və texnopark müəssisələrinin innovasiya fəaliyyəti qiymətləndirilir, bu sahədə institusional-hüquq mühitinin yaradılması, innovasiya yönümlü iqtisadi inkişafın rəqabət strategiyasının formalaşmasının mexanizmləri, dövlətin sahibkarların innovasiya proseslərinə cəlb edilməsində rolu və s. məsələlər müzakirə olunur.